Scribe Jay Bowks <[log in to unmask]>

>Mario, dice me, como inseniara
>io o qualcun altere professor de
>schola que le melior forma de
>resolver problemas es sin le violentia,
>proque illo causa tanto suffrer, como
>inseniara io isto? Ma con mi exemplo
>e mi resolution pro esser un cercator
>del pace.
>
>Con reguardos amical sempre,
>Jay B.

Iste es le occasion pro responder anque a un precedente nostre message re le
inseniantes. Io crede que tu ha jam respondite a tu mesme demanda.
Usque a qualque annos retro, cinque, sex solmente, nos poteva ancora
incontrar nos de tanto in tanto con nostre inseniantes de nostre juventute.
Ben! Illes era pro nos le mesme de un tempore.
Illes qui nos timeva de plus era illes que nos ora amava spontaneemente.
Illes qui habeva nos date solmente un massa de notiones e nihil de personal,
esseva ancora personas de comprender, securmente pro nos poco utile.
Isto non esseva mi sol judicio a 40 annos de distantia. Illo esseva un
judicio generalisate in tote nos qui festeava nostre classe e le annos del
juventute.
Tu insenia tu materia, car Jay, totevia si tu practica le schola como le
mission de tu vita, de un parte tu debe facer nihil e de un altere tu
transmittera multo de tu comportamento.
Qual comportamento? Illo de un homine juste con se mesme. Nihil altere! Sed
isto es multo, multissime.
Isto non te salvara de alcun tu discipulos qui sapera trovar anque in iste
tu esser le motivo de lor burlas. Il es belle burlar se de un inseniante que
es multo correcte in comparation a uno qui vale poco.
Totevia isto te realisera como homine e como inseniante: facer nihil si non
esser tu mesme, le expression de illo que tu ha interiormente.
Pensa a tu parentes le plus ancian. Si tu ha le fortuna re recordar illes,
tu recordara que illes te educava sin parlar te, illes te educava con lor
viver omne die le vita quotidian. E como illes te educava con lor exemplo!
Anque isto es un solution simplice e como tal difficile.
Tu como inseniante non pote e forsan non debe affrontar le thema del
violentia, perque probabilemente isto non es in le programmas, ni es
opportun in presentia de un diverse composition cultural e de preparation de
tu discipulos. Assi tu ha solmente tu materia e tu comportamento. Totevia si
tu es un inseniante que le discipulos recordara con placer per lor vita,
isto suffice e avantia.
Como? Tu solmente possede le responsa, in omne momento.

Ciao,

Mario


_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp