Amicos!

Le interlingua standardizate per IALA es un concretization de un realitate
latente: le existentia del vocabulario commun international que permea le
linguas del mundo, in particular le linguas europee.

Totevia, iste realitate es diffuse, e plure "concretizationes" de illo pote
esser producite. IALA ha usate criterios e methodos particular. Altere
criterios e methodos pote producer altere variationes. Jollino in un
message recente ha enumerate plure linguas auxiliar basate super le mesme
concepto, mais con criterios e methodos diverse.

Le UMI se dedica a stimular le uso del interlingua secundo le
standardization de IALA.

Le lista INTERLNG ha essite create per membros de UMI como un medio pro
practicar le interlingua secundo le standardization de IALA. Le senso
commun deberea inducer le participantes a tractar themas de interesse
general. Discussiones *prolongate* in/super altere linguas generalmente non
interessa al majoritate del participantes e confunde le novicios in
interlingua; consequentemente illos debe esser evitate.

Considerante isto, io recognosce que Josu Lavin ha presentate un
comportamento conforme a iste recommendation recentemente.

Ben que Josu ha mentionate le lingua "Romanica" in messages recente, ille
*non* ha facite reclamo directe e vehemente de illo, ni ha stimulate
discussiones super illo. Isto es bon.

Io considera que le facto que Josu ha scribite "io non parlo" in vice de
"io non parla" recentemente non ha essite intentional. Illo ha essite plus
tosto un *lapso*, viste que Josu usa e interlingua e "Romanica"
constantemente. Le quantitate de tal lapsos sue es intra le "limine de
tolerantia" del administratores del lista, io e Martijn Dekker.

Secundo mi opinion le reaction recente de Jan Årmann al mentiones a
"Romanica" ha essite aliquanto exaggerate.

Mi recommendationes final a tote le abonatos de INTERLNG es:

- Verifica attentemente le orthographia de tu messages ante inviar los a
lista -- Novicios te lege, e pote pensar que le formas erronee es le formas
correcte.
- Mantene le manieras affabile mesmo quando tu protesta contra alcun
commentario/comportamento de un altere abonato del lista.
- Rememora que le administratores observa le comportamento del lista. ("Le
Grande Fratre vigila super te..." :-D) Si tu vole demandar un action del
administratores, contacta nos per medio del adresse:
[log in to unmask]

A revider,
Ensjo.