Salutes a omnes:

Io es felice audir que il ha effortios facer interlingua un lingua plus
usate in communication parlate e non solmente pro esser scrite.  Ancora, io
es surprendite que nos non ha un camera de "chat," in un sito como "yahoo
chat." On pote trovar facilemente multe cameras de chat in multe linguas
illac (e multe altere sitos). Io pensarea que multe de nos ha le abilitate
pro comunicar per iste medio (o ille es posible que io non sape ubi nos ha
iste typo de cosa jam?).

In omne caso, io appoia iste effortio e spera que io pote esser un adjuta.

Con respecto
Michael

----- Original Message -----
From: "Harleigh Kyson Jr." <[log in to unmask]>
To: <[log in to unmask]>
Sent: Tuesday, April 08, 2003 7:48 PM
Subject: [INTERLNG] Forgiar un lingua parlate


> Un lingua parlate solmente pote forgiar se in le
> intercommunication.  Lo que io ha essayate facer in mi
> curso de interlingua parlate es proponer un possibile
> dialecto parlate.
>
> Usque nunc, io non es satisfacite con lo que io ha
> potite facer.  Forsan post preparar mi versiones in
> angelese e usar los pro controlar e facer redactiones
> ulterior de mi versiones in interlingua, io essera
> plus satisfacite.
>
> Ma io es confidente que io non potera facer isto como
> un effortio solitari.  A causa de isto, eventualmente
> io inviara le versiones in anglese e interlingua a
> altere interlinguistas de maniera que illes pote facer
> redactiones ulterior a mi effortios.
>
> Io spera specialmente que Thomas Breinstrup e le
> gruppo de scandinavos con le quales ille travalia
> potera travaliar conjunctemente in isto pro producer
> lor proprie dialecto parlate provisori.
>
> Post que illes facera isto, io spera que illes
> preparara registrationes oral de lor effortios in le
> formato MP3 pro distribution gratis trans le rete.
>
> (Io ha inviate a Thomas registrationes del prime
> quatro cassettes in francese de maniera que ille pote
> cognoscer le patrones que on ha usate in le
> presentation oral del curso original--specialmente le
> rolo del musica.  Pro esser bon, tal cursos debe esser
> multo simile a un bon pecia de theatro de radio.)
>
> Ora, post que nove interlingu(istas/anos) usara iste
> curso, io spera que illes potera parlar plus
> facilemente trans le Rete quando le technologia habera
> progredite al puncto que illo essera economic e
> standardisate al puncto que on potera haber
> conversationes dyadic o multiple trans le rete.
>
> Poste iste puncto, le interlingua parlate habera su
> proprie evolution de un maniera como le interlingua
> scribite, que nunc non es exactement como Alexander
> Gode e Hugh Blair lo ha concepite.
>
> __________________________________________________
> Do you Yahoo!?
> Yahoo! Tax Center - File online, calculators, forms, and more
> http://tax.yahoo.com
>
>