Le die 01/07/02 (18:58), Allan Kiviaho ([log in to unmask]) scribeva:

> ---------------------------------------------------------------
> Sanchez Rodrigo 020624: Io sape que il non ha un association
> pro interlingua in Espania
> -----------------------------------------------------x---------
Io comprende que il pote haber un confussion super le
nomines espaniol pro personas in altere statos. In Espania, cata
persona ha, in plus a su nomine(s), duo nomines de familia: le prime
es le prime del patre e le secunde es le prime del matre. "Portela" es
le nomine de familia que io ha pro mi patre, e "Sánchez" illo que io
ha pro mi matre. Si io usa mi nomine como in altere locos, con un sol
nomine de familia, io es "Rodrigo Portela" e quando io usa mi nomine
complete con le duos nomines de familia io es "Rodrigo Portela
Sánchez", ma NUNQUAM "Rodrigo Sánchez". Ille Rodrigo debe esser un
altere Rodrigo :) Super toto si nos considera que  "Sánchez" es un nomine de
familia multo usual in Espania.

> Rodrigo, sia benvenite retro al compania de homines
> illuminate, le interlinguistas!

Si tu cognosceva mi opinion super le linguas auxiliar e super altere
themas, tu saperea que io non crede in "homines illuminate" :) Ma
gratias pro le "benvenite" :)

> In le "Panorama" on trova le nomine de un espaniol:

> Luis Garcia Dopico
> Pio XII, 17, 2D
> E-33013 Oviedo
> ePosta: [log in to unmask]

> Io non sape si ille es active, al minus io nunquam ha
> vidite su nomine in internet.

Ille es le representante del UMI pro Espania, ma ille vive in le SUA.
Ille jam me scribeva per e-mail un altere vice e ora nos es in
contacto de nove.

> Esserea importante de haber active organisationes in
> omne paises romanic in Europa, organisationes que ha
> su sitos e altere actiones visibile in internet!

> Nos etiam besonia personas qui pote scriber letteras in
> espaniol, e.g. pro propaganda super Interlingua a
> eminente personal espaniol.

Inter le actiones del futur organisation de interlinguistica que io
vole establir in Espania, essera le information super interlingua como
lingua auxiliar. E illo pote esser un bon loco pro que personas
interessate in le establimento de un organisation pro le interlingua
de IALA in Espania se cognosce e comencia laborar pro illo.

> Vide, si il te place:

> http://www.kolumbus.fi/allkiv
> - clicca le mappa de Europa
> -- clicca Espania

Il me pare que illo es le pagina ubi io un die trovava mi adresse de
e-mail... Io lo videra.

> Salutante

> Allan

Salutes amical de
Rodrigo/Roderico