Bravo Horacio pro tu goal splendide marcato con le testa inter mi pedes !
Io te cita :

« De facto si il ha probas de iste catastrophe global. In le peninsula de
Yucatan, in Mexico, ha essite trovate un crater gigantesc de circa 300 km
de diametro (submergite partialmente). Iste depression era descoperite
casualmente a fin del annos 70 per sondeos de puteos petrolifere que in
ille loco ha arrivate a plus de 4000 metros de profunditate. Le rocas es
multo comprimite in ille area e le gravitate es anque superior al normal in
ille loco. Scientistas estima que le potentia del explosion era superior a
3000 megatonnas, sufficente pro jectar milliones de tonas de material al
atmosfera provocante un "hiberno global" -per obscurar le sol- e un mini-
era glacial in tote le planeta. De plus in le Florida ha essite trovate
vestigios de un grande inundation contemporanee provocate per le unda de
tsunami consequentia del terribile impacto. On crede que le bolido era un
asteroide de circa 15 km. de diametro. »

Io responde : le theoria del catastrophe global causate per un bolido es
anterior a iste discoperta e era sin proba. On necessitava un culpabilo
ideale e on lo ha trovate. Io crede que le estimatos del consequentias de
iste bolido son tirate verso un confirmation del theoria.

Io insiste in mi affirmation que le orbita del Luna era modificate verso
duo coincidentias presente:
- le duration del rotation del Luna circum su axe es perfectemente equal
  al duration de su rotation circum le Terra : la Luna monstra sempre
  le mesme facie.
- le diametro apparente del Luna es equal al diametro apparente del Sol,
  vidite ab le nivello de nostre oceanos ; isto da eclipses perfectemente
  ajustate, troppo perfectemente !

Vider non es notar e non es stuper !

Tote nostre scientia visa a negar le plano del universo e a privilegiar le
chaos. Ma Einstein scribeva : « The most incomprehensible thing about the
world is that it is comprehensible. »

Amicalmente, Jacques.