----- Original Message ----- 
From: "Dumitrescu Cristian" <[log in to unmask]>
To: <[log in to unmask]>
Sent: Tuesday, July 02, 2002 10:24 AM
Subject: Re: * * * * *



> 
>  ........ Ex iste puncto de vista "Le Cuppa" es un grande
> successo et merita nostre appreciation.........

>   .......Alteremente mi puero apprenderea que pro ganiar in
> su vita, in loco de honeste et difficile effortios il
> serea plus efficiente a robar un poco, a prolongar le
> "lancea", et non a lo maestrar.........
> 
>  ....... Iste cuppa non esseva honeste. .......

Car Cristian!

Tu conclusiones es correcte sed tu oblidava describer le plus pejor eventos, le multe delictos, troppo sovente con intention, del jocatores. Io non crede que iste cuppa esseva un bon exemplo pro juvenes. Il es disgustose vider homines adulte assi sovente c o n  i n t e n t i o n traher le vestes de altere combattantes sin que le judice interveni, e si ille lo face le penimento essera troppo benigne. Forsan manos in bandage esserea un solution.  E troppo sovente on vide jocatores qui con intention essaya nocer al altere jocatores con le cubitos etc. Forsan le plus disgustose es jocatores qui simula que illes ha essite nocite o affligite de joco injuste.
No, il  ha un ver problema in le mundo de football, al contrario de altere sportes, io crede, como basket e mesmo hockey sur glacie e rugby. Il es le joco dishoneste. E certemente isto essera plus pejor in le futuro quando juvene jocatores per TV ha apprendite iste triches, assi sovente non punite per le judices.
Non essaya convincer me que le judices non vide le delictos. Naturalmente il es plus facile vider le delictos in TV sed io anque sape que le judices sovente non vole interrumper le joco perque alora illes essera criticate per expertos e jornalistas etc. 
Le football quotidian regrettabilemente non es "fair play" e le emissiones per TV non es bon education del juvenes. Le football besonia un emendation moral! 

Erik Enfors, previe "supreme-dextre"  :-)  
Vallåkergat.25 
SE-432 37 VARBERG 
Svedia
Tel: +46 (0)340-875 45 
e-post: [log in to unmask]