Car amicos:
    In le ultime tempores io habeva alcun surprisas con mi sito super interlingua. Incredibilemente io ha inter altere lectores alcunos multo particular. Un juvene femina brasilian, un amico polonese e un nove interessato russo. Istes personas ha alco plus in commun que lor interesse in interlingua. Illes apprende espaniol, e usa le grammatica e le glosario espaniol-interlingua pro augmentar lor cognoscimentos del lingua de Cervantes!
    Debite a su grammatica simplificate interlingua, pote servir a studentes del lingua espaniol como un adjuta in le aprentisage del idioma. Pro illes le grammatica de interlingua es un version "de introduction" al studio del grammatica espaniol que es bastante complexe.

"Le vita te da surprisas, surprisas te da le vita...." (Ruben Blades)

Horacio Martinez
Interlingua in Argentina
www.interlang.com.ar