Salute,
Le "Open Directory Project" <http://dmoz.org/> probabilemente es le plus
grande directorio de sitos Web redacte per humanos in existentia. Le
milles de categorias es redacte per voluntarios.
ODP ha un categoria super Interlingua:
http://dmoz.org/Science/Social_Sciences/Language_and_Linguistics/Constructed_Languages/Interlingua/
Io me ha inscripte como un redactor voluntari pro iste categoria, e io
jam ha addite circa dece nove sitos, e ha actualisate inscriptiones
existente.
Io anque ha facite un nove description bilingual de Interlingua pro le
pagina principal del categoria, le qual se trova sub le ligamine
"Description". Io serea interessate in alcun commentos e/o correctiones
de illo. Vos le trovara hic infra.
- Martijn (redactor "mcdutchie")
[English version below - but many of you may not need it...]
Interlingua es un lingua naturalistic constructe del elementos
commun de septe major linguas europee. Per consequentia, le
majoritate de su vocabulario es de origine greco-latin. Le
vocabulario es determinate per un methodologia, non dictate per
un organisation. Assi, interlingua automaticamente se evolve
secundo su "linguas-fontes".
Interlingua es designate como un secunde lingua pro communication
international. Gratias a su vocabulario vermente international e
grammatica simple, interlingua es facilissime a apprender, pro
uso active e passive, pro le major parte de gentes cuje lingua
maternal es un lingua europee.
Interlingua anque es le unic lingua auxiliari que es facilemente
comprendite, sia parlate sia scripte, per centos de milliones de
gentes qui nunquam lo ha apprendite, o mesmo nunquam ha audite de
illo. Isto lo da un avantage unic super altere linguas
planificate como Esperanto.
Apprender Interlingua anque es un maniera facile e amusante a
ganiar plus de comprehension del elementos international de tu
proprie lingua maternal.
Interlingua era primarimente publicate in 1951 per IALA
(International Auxiliary Language Association), depost quasi tre
decennios de recercas linguistic professional e pagate.
Infortunatemente, un del grande sponsores de IALA moriva justo
quando le projecto era finite, e le lingua nunquam recipeva
fundos adequate pro promotion.
Nonobstante, interlingua ha essite usate con successo in
conferentias e revistas scientific. Hodie, Internet offere nove
opportunitates a interlingua.
Interlingua de IALA non deberea esser confundite con le "altere"
Interlingua, anque cognoscite como Latino sine Flexione,
proponite per Giuseppe Peano in 1903.
===
Interlingua is a naturalistic language constructed from the
common elements of seven major European languages. As such, its
vocabulary is mostly of Greco-Latin origin. The vocabulary is
determined by a methodology, not dictated by an organization.
Thus, Interlingua automatically evolves along with its "source
languages".
Interlingua is meant as a second language for international
communication. Because its vocabulary is truly international and
its grammar is simple, Interlingua is extremely easy to learn,
for both active and passive use, for most people whose mother
tongue is a European language.
Interlingua is also the only auxiliary language that is easily
understood, whether spoken or written, by hundreds of millions of
people who have never learnt it, or never even heard of it. This
gives it a unique advantage over other plan-languages such as
Esperanto.
Learning Interlingua is also a fun and easy way to gain more
insight into the international elements of your own mother
tongue.
Interlingua was first published in 1951 by IALA (International
Auxiliary Language Association), after almost three decades of
professional, paid linguistic research. Unfortunately, one of
IALA's major sponsors died just as the project was finished, and
the language never received adequate funding for promotion.
Nonetheless, Interlingua has been successfully used in scientific
conferences and magazines. Nowadays, the Internet is offering
Interlingua new chances.
IALA's Interlingua should not be confused with the "other"
Interlingua, also known as Latino sine Flexione, proposed by
Giuseppe Peano in 1903.
|
