Como habitante del stato de Florida, io debe dicer que
nos audi multo frecuentemente notitias de un "possibile"
desastre de un tsunami. Nos recipe information re omne
typos de scenarios, alcunos plus catastrophic que
alteres. Iste predictiones es multo similar a illes que
on audiva in California (ubi io nasceva) durante
decennios super un seismo que separarea le stato de
California del resto del Statos Unite. Como le seismo
saperea ubi separar le stato exacto secundo le
frontieras del stato serea alique nunquam vidite nam le
unic frontiera "natural" es le fluvio Colorado inter
Arizona e California. Durante le annos '80, iste thema
catastrophic esseva de grande interesse e multe libros
esseva scribite e films facite del "grande" (the Big
One). Certo, il ha habite multe seismos in California e
alcunos ha essite multo catastrophic, sed le seismo de
omne seismos no ha occurite. Si, il va occurir un die.
On non sape quando. Potesser hodie, potesser in le
proxime millenio. Nonobstante, le idea de crear hysteria
e timor es lo que face melior le medios de
communication. Il es anque possibile que un meteor
collide con le terra e annihila le vita del planeta.
Potesser hodie, potesser in le futuro lontan. Io crede
que il es importante saper de iste possibilitates, sed
nos anque debe observar los rationalmente. Le
preparation es anque importante. Sed, per favor, que nos
sia assatis intelligente de comprender que "le celo non
cade"! Nos ha jam multe altere problemas social e
politic que besonia nostre attention immediate.

Hystericamente,
Esteban

--
[log in to unmask]
tel: 941-282-2606