d[010213] x[Allan Kiviaho] KivA-12C
s[Bandieras interlingual]
[log in to unmask]
Ferenc Jeszszensky - [log in to unmask]
Usa Courier New 10 o Courier 10 per favor!
Car gentilesseres human!
---------------------------------------
Bandiera interlingual del Union Europee
---------------------------------------
Io ha projectate ancora un bandiera pro interlingua;
con thema interlingua e le Union Europee.
Vide, si il vos place:
http://www.kolumbus.fi/allkiv
- clicca "ia" supra dextre
- Bandiera interlingual del Union Europee
----------------------------
Le symbolo /\ de interlingua
\/
----------------------------
Io visitava le bibliotheca del Universitate de
Helsinki (le Bibliotheca National de Finlandia) e
consultava un grande libro pro semiotica que era
imprimite in Svedia.
In le libro on scribeva que on ha trovate /\ in ancian
picturas in grottas sed que on non ha \/ potite
explicar le significantia de iste symbolo. Le symbolo
probabilemente se non ha trovate in "satanic"
connectiones. In Anglaterra vagabundos ha lo usate
como symbolo pro "hic habita gente gentil".
/\ Assi:
\/ LE INTERLINGUANISTAS SON GENTE GENTIL!
/\ es in joco de cartas "quadro", ruter in svedese,
\/ diamond in anglese. In svedese on trova un
proverbio "ha ruter i sig" = esser energic. Assi:
INTERLINGUA ES ENERGETIC!
/\ como signal de circulation significa in alicun
\/ paises "le strata privilegiate". Assi:
INTERLINGUA ES UN STRATA PRIVILEGIATE - un strata
de supercommunication!
/\ era un signo tactic del truppas armate in le armea
\/ finlandese durante nostre guerras in 1939-45. Iste
signo era probabilemente adoptate de nostre inimico,
Sovyetskaya Armija/Krasnaya Armija. Assi:
INTERLINGUA AVANTIA A VICTORIA COMO UN CARRO ARMATE!
/\ es trovate in le sitos de internet que narra del
\/ prime grande victoria del armea finlandese super le
armea sovietic in le guerra hibernal 1939-40.
http://www.suomussalmi.fi/en/info/sights/talvisot/index.htm
Vide etiam
http://home.interserv.com/~tazio/7dSuomu.htm
THE WHITE DEATH: THE BATTLE FOR SUOMUSSALMI
7 DEC 1939 TO 8 JAN 1940. MICHAEL R. EVANS. 23 MAY 1997
Le battalias de Suomussalmi e le Via de Raate era
extrememente importante. Le 9e armea sovietic habeva
le ordine operational a secar Finlandia in duo partes
in le medio de Finlandia marchante al frontiera de
Svedia per Oulu/Uleåborg a Tornio/Torneå. Duo
divisiones pesamente armate, le 163e e 44e, era quasi
totalmente annihilate per le numericamente vastemente
inferior sed rapide e legier truppos skiante
finlandese. Un tertie division, le 54e, era
incirculate al fin del guerra.
Le attacco del 9e armea comenciava le 1939-10-30 sub
general M.P. Duhanov. Secundo le ordine de frontieras
de Svedia e Norvegia deberea esser attingite usque le
1939-12-21 - le die de anniversario de Stalin. Le
Districto Militar de Leningrad ordinava le 1939-11-26
que "Quando arrivate al frontieras de Svedia e
Norvegia on ni debe violar iste frontieras ni
permitter alicun provocationes. Le soldatos svedese e
norvege debe esser salutate al frontiera".
Le attacco progressava lentemente. General Duhanov era
expellite e le operation era conducte de Lev Mehlis,
uno del plus importante commissarios militar de
Stalin. Le nove commandante del 9e armea sovietic
deveniva general V.I. Czuíkov, postea le defensor
legendari de Stalingrad in 1942-43 e, como commandante
del 8e armea del guarda captor de Berlin in 1945.
Nonobstante le operation procedeva mal in le forestes
nivose. Iossif Vissarionovicz Stalin deveniva 60 annos
le 1939-12-21. In loco del dono de anniversario Stalin
se trovava in situation ubi un grande catastropho era
maturante in le fronte del 9e armea.
Un jornal multo interessante es nunc publicate in
Finlandia: SODAN LEHDET (Jornales del guerra),
http://www.sodanlehdet.com
Illo es un collection de 52 numeros que son collecte
de jornales finlandese publicate durante le guerras.
Illo es editate in Grande Britannia (Peter McGee) e
imprimite in Estonia. Interesse a iste jornal ha
essite grande.
Le jornales finlandese da su jornales original gratis
e le projecto es assistite per le Bibliotheca del
Universitate de Helsinki, Archivo Militar, Fortias de
Defensa Finlandese etc.
In iste jornal on trova re le 60e anniversario de
Stalin:
- - - - - - - - - - - - - - - - - - - - - - - - - - - - - - - -
Quando Stalin faceva 60 annos ille non plus era un figura
popular in le politica international. Alliantia con Hitler e
le attacco contra Finlandia habeva private le population de
iste homine. De homines de stato del mundo solmente Hitler e
Kuusinen (Otto Ville Kuusinen, un traitor finlandese, secretario
personal de Stalin e un membro del Supreme Soviet e Politbyuro
mesmo post le morte de Stalin -AK-) inviava lor salutes.
Le salute de Kuusinen era embarassose proque on non poteva lo
inviar ab Helsinki como Stalin habeva sperate (Otto Ville
Kuusinen era le "presidente" del "Republica Popular de
Finlandia" -AK-). Le commando del Armea Rubie habeva sperate
de donar al duce Finlandia como dono del anniversario e le
finlandeses lo sapeva. Quando le battalias era como le plus
calide de finlandeses trovava alicun conforto in lo que on
poteva supponer que le enthusiasmo de attaccar diminuerea post
le anniversario de Stalin.
Za rodinu, za Stalina! (Pro patria, pro Stalin!)
------------------------------------------------
(Le "Sodan lehdet" publica como attachamentos original placatos
sovietic. In le numero 4 on ha le placato: "Za rodinu, za
Stalina! C plakata S. Podobedova. TASS" -AK-)
On dice que Stalin deveniva infuriate pro le carentia del dono.
Le expedition punitive sub Lev Mehlis arrivava tosto al fronte
finlandese e faceva contos dur inter le alte officieros (Io me
demanda si general Duhanov era arquebusate ... -AK-).
Le saga de "liberation de Finlandia" que Stalin offereva al
homines de stato del mundo non era credibile mesmo in mentes
de soldatos commun del Armea Rubie. Ver, le "Armea National
Finlandese" del "governamento" de Kuusinen salutava Stalin con
plus que 5000 signaturas sed illo era un micre consolation pro
le reverso que on habeva sufferite in Finlandia. Que Stalin
habeva surridite in fundo quando Molotov e Kuusinen habeva
signate le tractato statal in le tertie die del Guerra
Hibernal habeva date luce special a iste occasion sed in le
die del anniversario de Stalin on lo sentiva bastante
embarassose.
Le libro del 60e anniversario de Stalin era publicate
solmente post le fin del Guerra Hibernal. On lo acceptava pro
publicar solmente le 1940-03-17 (le Guerra Hibernal inter le
Union Sovietic e Finlandia finiva le 1940-03-13 -AK-) e omne
partes referente a Finlandia era omittite.
- - - - - - - - - - - - - - - - - - - - - - - - - - - - - - - -
Le grande battalias a Suomussalmi e le Via de Raate ha un
importantia enorme. Si le armea sovietic haberea potite
attinger al frontiera de Svedia le secunde guerra mundial
haberea habite un curso totalmente differente e haberea
essite extrememente periculose a Svedia, diceva le director del
Regal Academia Militar de Svedia in le Television Finlandese.
Iste battalias son considerate como prototypos pro battalias
de annihilation in hibernal conditiones forestal ("Le Cannae
in foreste e nive"). Multe academias militar estranier ha
inviate su cursos a Finlandia pro studiar iste battalias.
Un kiosque al Via de Raate ha un reclamo amusante:
"Stoppa hic! Le Armea Rubie faceva le mesme".
Salutante
Allan
- - -
P.S.
Iste message non es intendite como un attacco contra le
interlinguanistas russe e ukrainian. Le 44e division, un
division de cadres, era ukrainian que era transportate
directemente ab Polonia al fronte finlandese, sin
equipamento hibernal. Iste division suffereva terribilemente in
le circumstantias arctic. Le televisiones finlandese e
ukrainian ha facite un programma documentari super le fato
le plus tragic del 44e division - sol ca. 1800 soldatos
de 17 000 superviveva, 800 de illes como prisioneros de guerra.
|
