Le ministro del extero de Svedia, seniora Anna
Lind experientiava alcun minutas emotionante. Le
avion per le qual illa volava de Luxenburg a
Damasco habeva problemas con un generator a bordo
ante le atterrata al aeroporto de Damasco. Illa
habeva volate a Damasco por participar in le
solemnitates a causa del decesso del presidente
Hafes al Assad.

Secundo le medios illa habeva un curte
conversation con le nove presidente Basar al
Assad, qui in un proxime futuro va officialmente
accessar al oficio de presidente.

Le avion del ministro del extero non poteva
retornar immediatemente post le visita in Damasco
e seniora Anna Lind debeva viagiar "a avion-stop"*
per le avion del ministro del extero de Finlandia,
Erkki Tuomioja (ancian ambassador finnese a
London).

Ego ha formate le parola per analogia con
"auto-stop" que in Europa significa que on face
arrestar se un automobile, et on pote peter le
permission viagiar con iste auto. On monstra per
le pollice que on vole viagiar con le auto.

In plure paises isto nunc es prohibite, ma in un
altere era isto era multo practicate et un non
troppo costose maniera viagiar per Europa. Ego ha
viagiate assi in Germania in mi juventute, sed
isto tunc non plus era permittite et on
recommendava le "Mitfahrerdienst" (Le servicio de
conviagiatores). Ego non sape si isto plus existe
in Germania.

Amicalmente