Car Amicas e Amicos,
il es arrivate le solstitio de hiberno e con illo le saison del augurios e
del datas attendite. Nonobstante le timores in plus Paises, io spera nihil
de nove pro nos in tote le mundo e, pro quanto il dependera de mi
voluntate, io passara iste proxime dies con mi familia e mi parentes, como
in le tradition de iste periodo del anno. Con nos vivera le dialecto e
nostre recordos e, con illos, in un communion sentimental, de similantias,
de inclinationes, de continuitate, vivera illes qui nos ha lassate.
Le dialecto es un cultura preciose de un communitate, plus intime que un
lingua national. Ab quando io ha cognoscite Interlingua - mi dialecto e
Interlingua ha multe affinitate (me dialeto e I. ga molta afinita') - io ha
contribuite a iste lista e io proba un sentimento de amicitate verso tote
vos. Nos ha usate iste lingua, cata uno con su ideas; totos ha apportate
qualcosa in exemplo.
Nos recordara tote isto e io spera durante longe annos in le nove millennio.
Un bon fin e un felice principio de anno, a vos e a vostre familias e, pro
illes qui lo festa e crede: Bon Natal e Profitabile Jubileo!
Mario Malaguti
Treviso, Veneto, Italia
|