d[020708] x[Kiviaho Allan] z[KivA-278gn interlng] r[MulS-276]
s[Re: Un Quasi Necamento]

[log in to unmask]

Car Stan,

Heri mi familia, nostre infantes e infantes affin, era
reunite a nostre casa proque nostre granfilio
Marc-André alias Hippupotamus (13½ menses) habeva
retornate ab Rimini, Italia (le Mar Adriatic).

Io legeva le message de Stan e nos omnes era profundo
choccate sed ancora plus profundo felice que la
piccolo Madeline era miraculosemente salvate! Perder
un parve infante es le plus grande disastro que pote
occurrer a patres e granpatres. Post alicun plus
minutas Madeline haberea essite passate.

Le filia de mi cusina se necava quando illa habeva un
anno. Il occurreva durante un garden party/barbicue al
laco. Io ipse quasi me necava in etate de 2
annos - Finlandia ha 60 000 lacos. Ante 3 menses io e
mi filia affin cadeva per glacie, nostre filio qui es
un chassator litoral (Marine Infantry, Forces of Rapid
Deployment) con instruction special de glacies de mar
e lacos nos salvava...

Quando un ha un parve infante e aqua in le vicinitate,
on non debe lassar le infante sin surveliantia per un
persona sufficientemente vetule pro un singule
secunde! Nos habeva tempores pesante quando nostre
infantes era parve e nos ha un ripa multo scarpate e
periculose a nostre cabin finseptimane.

Tote le clan Mulaiks, accepta nostre sentimentos le
plus emphatic!

Allan