Subject: | |
From: | |
Reply To: | INTERLNG: Discussiones in Interlingua |
Date: | Thu, 28 Mar 2002 07:06:06 +1100 |
Content-Type: | text/plain |
Parts/Attachments: |
|
|
Allan
Io sape ben que le orthographia del anglese non es phonetic, e que illo non representa de maniera precise o consistente, le sonos del lingua. E io es contente que on mentiona isto quando on parla del rolo international del anglese e suggere le alternativa melior - Interlingua.
Le defectuositate de orthographia del anglese es un facto, observabile de maniera objective.
Tamen io non es contente con denunciationes subjective tal qual "... le pronunciation in anglese es turbide, su vocales son generalmente debile e obscur, illo non es melodic e rhythmic, il ha un mal balancia inter le vocales e consonantes. Systemtheoreticamente e semioticamente le anglese es DISASTRO..."
Que significa 'un vocal debile (o forte)'? Quales es le debiles? Quales es le fortes? Ubi es le linguistas que consata que "il ha un mal balancia inter le vocales e consonantes" o que le anglese "non es melodic e rhythmic"? Como apoiar objectivemente le assertion que "theoreticamente e semioticamente le anglese es DISASTRO" o que "le pronunciation in anglese es turbide".
In summa, io sta al latere de Martijn, demandante te respectuosemente, de non causar plus damno al promotion e reputation de interlingua per denunciationes excessive del lingua anglese.
Edo
|
|
|