LE MISSA

Le nove prestre del parochia era tanto nervose durante su prime sermon que
ille quasi era incapace de parlar. Ante su secunde sermon, in le dominica
sequente, ille ha demandate al archiepiscopo como ille poterea facer pro
relaxar, e iste le ha suggerite que, le proxime vice, ille deberea poner
alcun guttas de vodka in le aqua, e que post alcun doses ille serea plus
relaxate.

Le dominica sequente ille ha applicate le suggestion e se ha sentite tanto
ben, tanto felice e libere de inhibitiones, que ille poterea parlar forte
mesmo in medio a un tempesta. Post regressar, le rector del parochia ha
trovate un nota del archiepiscopo:

"Estimate Prestre,

1. Le proxime vice, pone guttas de vodka in le aqua, e non guttas de aqua
in le vodka.
2. Non pone limon e saccharo al bordo del tassa.
3. Le missal non es un appoio pro le tassa.
4. Le manto del imagine de Nostre Senior Jesus Christo non debe esser
usate como servietta.
5. Existe 10 Commandamentos e non 12.
6. Existe 12 Apostolos e non 10.
7. Nos non nos refere al Cruce como "aquelle T grande".
8. Nos non nos refere a Nostre Senior Jesus Christo e su Apostolos como
"J.C. e su banda".
9. David ha vincite Golias con un funda e un petra, e non con un colpo de
pede al scroto.
10. Nos non nos refere a Juda como "Chunda".
11. Le Papa es sacrate e non castrate, e nos non nos refere a ille como
"Le Patrino".
12. Le Patre, le Filio e le Spirito Sancte non es "Le Vetulo, le Junior e
le Ectoplasma".
13. Juda non ha executate Jesus al furca.
14. Le hostia non es gumma de masticar, pro isto, evita tentar facer
bollas.
15. Modera le consumption de vino e, in ultra, bibe lo in un tassa.
16. Backstreet Boys non era in le relation de musicos del choro.
17. Aquelle cabinetto era le confessional e non le W.C.
18. Evita appoiar se contra le imagine de Nostre Seniora, multo minus
imbraciar la.
19. Le initiativa de convocar le publico a dansar ha essite multo
plausibile, mais facer fila indian e currer per le ecclesia, non.
20. Limita te a sermones super religion e evita parlar de football e
politica.
21. Le aqua benedicte es pro benedicer e non pro refrescar le nuca.
22. Nunquam predica le missa sedite super le scala del altar, multo minus
con le pede super le Biblia Sacrate.
23. Le hostias debe esser distribuite al populo, e non usate como
aperitivos pro accompaniar le vino.
24. Ni Bruce Willis ni Sharon Stone era presente al reincarnation de
Christo.
25. Aquelle homine clavate al Cruce era Jesus Christo e non un hippie
vagabunde.
26. Usa vestes sub le manto sacerdotal. Evita ventilar te con le manto
quando tu ha calor.

Durante le 45 minutas de missa que io ha accompaniate, io ha notate iste
faltas.

Io te recorda que un missa ha un duration approximate de un hora, e non 2
tempores de 45 minutas. In un missa non se face demandas al publico, e le
imagines del Sanctos non es premios pro aquelles qui responde
correctemente. Le loco in le qual se predica le missa non se denomina
"podio", mais "altar". Aquelle persona sedite al angulo del altar, a qui
tu te ha referite como "travestito de gonnas", era io. Io spera que tal
faltas sia corrigite le proxime dominica.

Con sinceritate,
Le Archiepiscopo."
~~~

Ensjo.
Interlingua-English Dictionary:
http://www.interlingua.com/ied/ied.php