Un belle thema Jay. Illo es actualissime in iste dies in mi Treviso.
Nonobstante noste habitual individualismo in Italia al fin un lege del Stato
impone le uso del casco a totos e de omne etate o medio a duo rotas
(bicycletta
excluse) e, illo que es surprendente es le declarationes public del
autoritates
public de sanitate: le decessos ha diminuite ultra 70% pro iste causa
(incidentes con vehiculos a duo rotas) jam in le prime menses de application
del lege.
Un bon notitia in le mundo italian, ubi le observantia del normal regulas del
circulation in le traffico es sempre plus un option.
Ma uso del casco e del cintura de securitate es actualmente un proposition
attente per le diverse organisationes que in Italia es proponite al controllo
del traffico: le Politia del Strata, le Carabineros (que nos ama e deride), le
Vigiles Urban, ma iste es solmente le principal organisationes, perque nos es
ric in illes qui deverea controlar e multo permissive in le controllo.
Ma forsan non non es le unicos!

A Treviso, in le dies passate, un juvene de 16 annos perdeva le vita
nonobstante le uso del casco, al contrario, justo pro le uso del casco que, in
iste disgratia, provocava justo le fractura complete del collo pro un absurde
manovra que le juvene se procurava de se mesme.
Obviemente le casco ha essite subito le imputate in un citate in le qual,
solmente alcun dies antea un altere juvene del mesme etate, perdeva su
vita, ma
in iste caso pro non portar le casco. Anque in iste caso le tragedia se
consummava in un modo absurde perque le juvene cadeva de su motorcyclo pro le
simple contacto con un bicycletta que procedeva in su mesme senso, ma sin le
uso del fanal e del catarifrangente florescente (reflector).
Qui portava le bicycletta? Un 'extracommunitario' termino que indica un
persona
que vive in Europa e hic labora, ma non es native de un pais del UE.
Como si io non incontrarea omne die cyclistas qui non face uso del fanal!

Il non es simple respectar le normas del viver civil e il es facilissime
protestar sempre e pro omne cosa, como si toto non dependerea super toto de
nos
mesme, sempre, in nostre viver quotidian.

Io iste matino va a Padova a mi secunde incontro con le movimento Humanista.
Illes dice de poner le homine supra omne altere interesse. Io vole comprender
melio.

Ciao,

Mario Malaguti


Jay Bowks scribeva:
>CASCOS
>
>New Hampshire paga un precio alte pro su
>philosophia de  "Live Free or Die"
>(Vive libere o mori).
(omissis)
>Copyright 2000 per United Press International.
>Omne derectos reservate.
>- traducite per Jay Bowks

Ehi! Jay, io pensa que si tu face un traduction in Interlingua tu produce un
nove texto e que illo non sia subjecte al copyright. O tu pote exequer un
traduction que non sia un pediseque, italiano! servil reproduction del texto
originari.

Oh! Deo! Tu es ille qui traduce le Biblia! Ah! Ah! Sape tu in iste caso qui ha
le copyright?
Forsan nostre amico Paolo Castellina?
Io vole que vos duo face le pace e apprende a viver insimul, cata uno in su
independentia de fide. 'Ma moleghela, na bona volta!' Expression in trevisan
que dice: 'Ma cessa vostre contender, un bon vice!' Hodie es le die de Senior,
le Patre Eterne de totos!
'Ande' in malora tuti do!' Expression que io traducera un altere vice.