Mario ha scripte:
~~~
Il pare que Ensjo ancora non sape que illo que es simple, in realitate,
DEBE esser difficile.

Le facto debe esser un question de etate.
O non sera pro un question de fundatores?
No! Il debe esser un question de libre initiativa; de iste passo on habera
plus fundatores de listas que contributores. (...)
~~~

Ehi, Mario!

Nota que io non ha incentivate le creation de un NOVE lista. Pro le
momento, listas pro "proposito general" non va superviver. INTERLNG
concentra le potential clientes de iste listas. Altere listas solo
supervive si illos servi a alcun altere proposito o demanda ben specific,
e si il ha personas sufficiente interessate in participar. Isto es, le
caso de INTERLINGUA-COOLLIST, dedicate a questiones grammatical de
interlingua.

Si le question es discuter le structuration de un organization
(nord)american... isto es un thema specific que certo non va interessar a
totes in INTERLNG, e que forsan involvera personas sufficiente pro
mantener le vitalitate de un lista.

Ma duo listas ja existe pro interlinguistas nordamerican. Un del motivos
pro que io ha informate le existentia de illos es justo pro evitar que un
altere nove lista appare! :^)


Michael D. Edwards ha scripte:
~~~
Io ha essite in iste listas, ma non esseva active pro duo ["weeks" =>
septimanas].
?? Proque es isto?
~~~

Como io ha mentionate supra, INTERLNG concentra le conversationes de
proposito general, e attrahe le participantes de altere listas. Si totevia
le listas nordamerican se dedica a altere propositos (cursos pro
anglophonos, le movimento pro-interlingua in le SUA, etc.) illos plus
probabilemente va haber un publico plus fidel, interessate e frequente.

A revider,
Ensjo.