Julio, et al.
Io intende ben le triste sentimento quando un amate animal se mori.  Io ha
habite plure cattos, e de plus ora ha duo cattos, Zack e Bentley.  Quando
io habitava Stone Mountain, multe annos passate, nos habeva un succession
de cattos.  Le prime experientia triste esseva quando nostre filio Roberto,
solmente un puero, vadeva al schola al ultime die del schola.  Ille trovava
nostre amate "Tuffy" in le camino al fronte de nostre casa.  Su capite esseva
applattate per le pneumatico de un automobile quando ille se cubava in le
cammino a causa de su calor.  Io interrava Tuffy in le silva post nostre casa.

Postea nos essayava trovar un nove catto.  Io e mi sposa vadeva al centro
pro le controlo de animales pro trovar un catton, qui nos portava a casa.
Mais post plure dies le catton, qui esseva multo sympathic, habeva maladia,
e moriva subitemente.  Il esseva le febre viral de cattos.

Plure mense post isto, quando io esseva in un viage, mi sposa e mi filios
videva alcun parve cattons per nostre casa.  Un catto matre salvage habeve
su proprie cattones.  Illes capturava un, e quando io retornava io capturava
un secunde.  Le prime esseva blanc, con maculas de nigre e brun, un femina.
Nos la appellava "Patches" (pecias) a causa del colores.  Le altere esseva
un nigre quasi gris, con un pecia de blanc al fronte.  Nos le appellava
"Smokey" (Fumo).  Nos habeva iste duo cattos pro multe annos.  Justo ante que
nos comprava un nove casa ubi nos ora habita in Marietta, subitemente un
matino, ante va al bureau, io discoperiva Smokey in le sala del basamento,
morte.  Ille habeva un mal de corde.  Nos prendeva Patches a nostre nove
casa.  Mais a 19 annos illa deveniva multo mal a causa de un condition de
su glanda thyroide, que nos non poteva tractar plus con drogas, e nos
la prendava a un veterinario pro euthenasia.  Cata vice que nostre cattos se
moriva esseva un die multo triste.

Stan Mulaik