Un multo interessante message, Mario! Legente lo io faceva le sequente
reflexiones:

In Svedia il ha troppo poc apes, proque le stato alcun annos retro faceva le
taxas pro el apicultores multo plus complicate e nunc il es - secundo le
medios - multo plus difficile coler (es iste le parola?) apes. Le consequentia
es que il ha troppo poc de apes e per consequente troppo poc de flores del
arbores fructofere.

Mis experientias de Italia es in principio solmente tres dies de un seminario
a Roma e per consequente mi impressiones es multissimo superficial. De toto
que io ha legite e vidite in films etc. io ha sempre habite le impression que
le supermercatos es un cosa multo recente e que le humanos preferibilemente
compra del magasines a su vicinitate. Le magasines private del vetere stilo in
Svedia quasi dispareva e il habeva un epocha de solmente supermercatos e
"autocompratorios", ubi tu prende le merces e paga al cassa al exito.

Nunc de novo nos ha plus de magasines "de servicio" que es aperte in le
vesperes e in le grande urbes tote le die e nocte. Ille magasines es micre, ma
illos functiona tamen como "autocompratorios".

Mi impression es - basate un poco de mi proprie experientia e le medios - que
on in general mangia multo melior in Italia quam ci in Svedia. (Que nos ha
pizzas e spaghetti como plattos quotidian - quasi traditional! - forsan non
cambia iste impression!

Quanto al agricultura on disregulava lo ante que Svedia intrava le Union e
postea on debeva sequer le nove regulationes de Brusselas. Ha io narrate del
fermero qui non voleva poner le marca jalne al auricula de su vaccas e al qual
on pro isto veniva del administration provintial (del "gubernia") e tirava
tote le 15 vaccas? Addente ancora plus de mal publicitate al povre Union. On
dice in le tela que Anglaterra es le pais le plus contrari al Union Europee.
Io plus tosto crederea que isto es Svedia....

Le meterologos promessa a nos multe nive le nocte proxime. Que nos vide!

Nivemente