STAN MULAIK wrote:
> 
> Vegetales geneticamente modificate non ha revelate alcun problemas aqui.
> On crede in le Statos Unite que le Europeos usa iste timor del vegetales
> modificate geneticamente a prevenir le libere excambio de benes per
> excluder los de Europa. 

Io me recorda haber vidite - ante multe annos - un documentario, demonstrate
in le television, de un interprisa que vendeva pullos (de gallina) que habeva
essite nutrite per nutrimento que contineva hormones (forsan estrogena) assi
que pueras de 9 annos habeva mammas). Si mi memoria es correcte isto occurreva
a Puerto Rico (o forsan Costa Rica - in le bucca de dictores televisive
svedese e con mi aures non troppo accuratemente syntonisate al programma il es
facile de equivocar se.) 

Lo que me surprisa es que le sonsummatores in le Statos Unite ha essite tanto
quiete quanto al carne de vaccas que ha recipite hormones. 

Ci in le Union Europee on parla de hormones de crescimento e antibioticos, e
forsan on debe facer un discrimination inter le duo. 

Secundo un inquesta que io audiva reportate per le radio ante alcun die, le
vaccas in Svedia recipe plus grande quantitates de antibioticos que antea. Le
expertos time que un rutinari administration de antibioticos in le forrage del
bestial va resultar in gentes* resistente de certe bacterios. 

In Svedia on es un poco plus caute quanto a antibioticos quam in multe altere
paises. Al minus isto es le pictura que on ha in le medios.

Le tabaco es in le augmentation de novo post multe annos de cessar de fumar.
Specialmente juvene feminas usa tabaco - inter altere in le forma de pulvere
(snuff in anglese). Isto ha traditiones in le cultura svedese. Mi granpatre
maternal sempre lo usava ma fumava multo poco.) Ma antea il era sempre un cosa
del cultura masculin. Feminas quasi nunquam usava pulvere tabacal. Le prime
femina que io incontrava qui usava pulvere era un mi camerada al corridor del
domo de studentes. (Le parola camarada suggere que nos partiva le camera, ma
non del toto. Il habeva 15 cameras con 15 studentes e un cocina).

Se dice que il es multo plus difficile cessar usar le tabaco in forma de
pulvere quam como fumate. Le Union Europee interdiceva le pulvere, e isto era
un del grande cosas quando on discuteva si Svedia va accessar al union o non! 

In le octantas multe cessava le fumar. In le Union de inseniamento ubi io
laborava, quando io comenciava laborar ibi, quasi omnes fumava. Quando io
finiva le labor ibi, quasi nulle fumava. Juncte con un multitude de humanos io
finiva fumar in le 80's. 

In ille tempore on jam habeva comenciate interdicer fumation in multe locos
public. Durante mi prime  - e usque nunc sol - visita in Helvetia io pro isto
era surprendite vider que on de facto poteva fumar in le grande officio de
posta a Geneve (Geneva, Genf), e in elevatores (lifts)! 

> Il es un altere exemplo del timor del incognoscite.
> Mais nos es felice de vender tobaco al europeos, que nos usa minus e minus.
> E le tobaco clarmente es periculose al bon sanitate.  Le Europeos ha un
> plus grande timor real a tractar, le reactor nucleari fallite a Chernobel.
> Que face illes pro pagar le Ukranianos a disactivar lo?
> 
In iste dies quando le autoritates claude un del reactores al centrala
nucleari a Barsebäck, partialmente como un reactiones al protestos del latere
del Copenhaganos, qui lo ha 20 kilometros del centro de Copenhaga) io me
recorda ben le accidente a Chernobyl. Io vive alcun 100 kilometros del grande
centrala nucleari a Forsmark, e le postmeridie - io crede que il era le 26 de
april - le radio local subito dava reportos de un augmentate nivello de
radiation "que semblava venir" de Forsmark. Il faceva extrememente bon tempore
meteorologic, le ventos del oriente - de Forsmark -. Esque isto non occurreva
in 1986 - quanto on oblida! - suggereva que nos habera le radioactivitate a
Uppsala. Io me recorda que io pensava "Nunc es finite!" Solo alcun annos nos
habeva habite le referendum contra o pro le energia nuclear, e on habeva
parlate de questiones de energia tanto que on se sentiva saturate de argumentos.

Plus tarde, io non pote testimoniar del horas, on diceva consternatemente que
le radiation non veniva de Forsmark. On contactava le autoritate
correspondente al SSI (Le inspection de protection contra radiation, non le
societate pro interlingua!) in Finlandia. On habeva nulle informationes. On
contactava le autoritates in le tunc existente Union Sovietic. On habeva
audite nihil. 

Inter alteres un interprisa in Kiruna (Suedia arctic - si arctic significa
"situate al nord del ciruclo polar") Satellitbild habeva via un satellite
notate un conflagratin a un loco ubi il habeva un central nucleoenergetic. 

Le territorios al nord de Uppsala habeva precipitation le sequente dies e ibi
il habeva un altiate radiation. Le saamis on poteva mangiar le carne de rennos
durante certe tempore e on exequeva forragiamento subsistuente pro impedir que
le rennos mangiava troppo de lichenes infectuate per le radiation. 

On prendeva multe precautiones. On cambiava le arena al arenarios ubi infantes
jaceva, in le communas, le administration local, on poteva dar fungos e baccas
pro evaluation de radiation - si on poterea mangiar los o non - e nos sapeva
multo de toto isto. In multe regiones le vaccas non era ducite a pasturas iste estate.

Le plus terribile consequentias del disastre a Chernobyl suffrava le
population a Byelorussia, si io ha comprendite le cosa ben. 

Tamen iste historia me faceva plus positive al energia nuclear. Ben
administrate illo es un del optime fontes de energia, e illo es multo plus pur
e efficace que le combustion de carbon o de altere combustibiles fossile. Lo
que io time es le situation quando omne le paises ha abandonate le energia
nuclear e le politicos ha perdite le interesse in le deponios e assigna sempre
minus de moneta al guardar del vetere centralas etc. Tunc essera le grande
risco que personas con interesses sinistre va prender elementos radioactive e
usar los in actiones terroristic. 

Ma in principio le population es multo inimic a innovationes technic,
infelicemente.