Car Jay, Amicas e Amicos,
io ha profitate del demandas per Jay Bowks re le stock de libros de
interlingua
in le S.U.A. e io ha desirate exaggerar iste stato de cosas.
Illes es in stato de manifestar a qual puncto nos pote menar le ...
comportamentos que nos suffre con resignation, sin un manifestation de
disapprobation.
Nos es le pauc interlinguistas active in internet, existente al mundo.
Illes es le Interlingua Institute (I.I.) e le Union Mundial pro Interlingua
(U.M.I.).
Nos poterea releger iste message:
<Date: Thu, 25 Mar 1999 13:27:56 +0100
From: Thomas Breinstrup
Subject: Re: Statuto e altere cosas
To: [log in to unmask]
Car Mario.
Mesmo si io apprecia tu grande labor, io totevia te preca esser plus calme e
investigar varie cosas ante de ir publicamente con critica
(positive/negative).
Certo, tu ha le derecto de cognoscer le statutos del UMI - ma alora proque non
demandar los directemente ab le secretario general del UMI?
(Del resto, il me surprende que tu non los ha legite ante de acceptar esser
representante de interlingua in Italia.) Iste statutos esseva, post un longe
labor gerite per le burgomaestro del citate nederlandese de Heino, Ton van den
Berg (eminente interlinguista e presidente del Societate
Interlingua-Nederland), acceptate ante plure annos como un modernisation del
organisation del UMI. Cata membro de un association national es
automaticamente
un membro del UMI anque, si ille/illa non lo refusa, naturalmente. UMI
functiona como le "parapluvia" del organisationes national, e le consilieros
executive face un grande labor pro coordinar le multissime cargas del
organisation sur plano mundial e national.
(E, il vale le pena memorar isto, omnes naturalmente labora sin pagamento ma
con grande enthusiasmo e talento de organisation. Cata consiliero usa
multissime tempore - e moneta personal - pro exequer su function pro evitar
que
le UMI es pesate per costos. Pro isto il me irrita quando personas simplemente
critica o demanda sin comprender que UMI functiona a causa del labores
voluntari de multissime personas, qui totevia assecura un standard si vicin a
illo professional como possibile.)
Io assi solmente pote repeter mi initio: Per favor, investiga le questiones
per
contactos DIRECTE (...) al personas relevante. Panorama publica in cata
edition
un tote pagina con nomines, adresses, e-posta, telephono etc., dunque il non
debe esser un problema trovar les! Tal questiones non-investigate
presentate in
un grande foro solmente irrita le lectores e significa un enorme labor pro
omnes pro evitar que allegationes presentate in iste foros non remane como
factos in le mentes del personas, qui totevia lege le messages.
Con mi optime salutes - e le desiro de un futur collaboration fructuose e
criticamente positive,
Thomas Breinstrup>
Le solution es in le message directe al qual tu non habera responsa, o un
responsa de un persona prepotente. Io ha casos de un typo e de un altere.
In le
sito del U.M.I. on ha publicate le statuto gratias a mi insistentia.
Un organisation, le I.I., non coordina le consequentias de un su decision con
le altere organisation: le U.M.I.
Illes non se parla, ni se supporta, forsan a causa de un sol persona. Io ha
documentation scripte etiam de isto.
Alora le I.I. scribe directemente a Jay e crea le apprehension e Jay non
investiga le questiones per contactos directe al personas relevante, ma scribe
al lista Interlng pro demandar:
1 ... io pensa que il es importante haber un sito hic in le
Statos ubi on poterea trovar iste titulos...
2 - qual es le situation al presente con le UMI e le II???
3 - Esque il ha alcun planos pro un presentia plus active
del UMI o de alcun altere organisation de Interlingua in
le Statos?
Pusille mundo de interlingua! Necuno ha respondite.
Ciao,
Mario
Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
|
