Le latere forte de interlingua es que omne latinistas nos comprende, mesmo
le latinistas qui non pleno maestra le latino classic. Nostre fortia es le
comprension e le communication de cosas importante e interessante.

Nos non debe proponer interlingua, nos debe usar interlingua.

In mi opinion le latino ha habite su die, in le tempore de Cicero e Livio e
in le renascentia, quando on tentava reintroducer lo pro le existente
latino medieval que vermente era un lingua parlate.

Un contacto con latinistas es etiam importante, proque in ille circulos il
ha un multitode de scientia in re le lingua le qual de facto ha essite le
fundamento de interlingua.

Le risco de latino es que on crea un elite lingual que habera besonio
dispartiar se del populo in general. Pro le rationes democratic nos besonia
interlingua que pote esser un medio de contacto inter le varie populos,
inter le humanos sur le strata, confinite in su proprie nationes e
etnicitates.

Le risco de haber anglese como le sol lingua mundial es que nos
non-americanos consume ma non redona. Le exceptiones que verifica le regula
es le successos del svedeses in le mercato de musica popular.


[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35