Io ancora generalmente non usa Microsoft Word pro mi scriber
de texto.  Io ancora usa usualmente un programma que  non es
plus vendite, WriteNow, que esseva scripte pro le macintosh
in 1989 e esseva meliorate usque a 1994. Illo esseva le
standard programma de texto in le NeXT computatores de
Steve Jobs.  I ha usate isto in mi Mac Plus, mi Mac SE,
mi Mac Quadra 650, mi iMac e ora mi mac iBook.  Illo
esseva scripte in lingua de assemblar e ha functionate
perfectemente in cata systema del macintosh.  Illo es
simple mais potente.  Io usa lo pro scriber materiales
pro mi classes in le statistica.  Proque io debe monstrar
equationes mathematic io usa un altere programma
"Expressionista" que crea representationes graphic del
equationes que sede se ben in le lineas de texto de
WriteNow.  A me Microsoft Word es un abomination.
Potente, si, mais excessivemente complexe e disorganizate.
Solmente quando un jornal require que io prepara un
manuscripto in Word va io usar lo. (Multe jornales
ora require que tu les invia o un copia de tu manuscripto
per e-posta (como attachamento) o per un disco flexibile.
Alora illes da iste versiones electronic a lor imprimitores
qui frequentemente es capace de componer le articulo in
Word mesme).

Io spera que un melior programma de processar le texto
pote eventualmente concurrer con Word, ben que le
position monopolistic de Microsoft face isto multo
difficile.

Stan