Scribe Alberto Mardegan <[log in to unmask]>
in Re: Windows XP
>Date: Tue, 13 Nov 2001 12:16:51 +0100
>
>On Mon, Nov 12, 2001 at 01:55:03AM -0500, STAN MULAIK wrote:
> > labor require le nove systema.  In le interim va un altere
> > compania producer un equalmente o melior systema?
>
>Illo depende del uso que tu vole facer de tu computator. Si tu non es
>interessate a jocos io volerea suggerer te de usar Linux. Totevia, come
>multes sape, il pote esser difficile a configurar e usar a prime vista.
>Plure effortios ha essite facite per le communitate de developpatores
>pro render lo un systema plus facile e appetibile pro le nove
>utilisatores, e il sembla que le situation se meliora rapidemente.

Ben! Totevia il me sembla que Linux non ha applicationes in le mundo del
labor, in le interprisas e institutiones in general, io intende.
O ha io legite re iste limitation troppo distractemente?

>Le problema es que Microsoft nos ha vitiate, presentante nos un systema
>apparentemente facilissime, e le computator ha devenite pro le utentes
>un cosa multo familiar e a vices personal. Quando alicun problema accide
>re le computator, on pensa que on pote resolver lo privatemente, sin
>adjutas externee. Alicun vice on lo sape resolver, altere vices on crea
>problemas plus grande e on protesta que "le computator non functiona!".
>
>Ma quando on ha problemas con le automobile, esque on lo prova resolver
>lo privatemente? No, usualmente nos lo porta apud un mechanico.
>
>Perque iste differentia de comportamento?

Le diverse comportamento non ha explication o trova justification justo in
le facilitate de utilisar le computer - e io non usa le termino elaborator,
sed io me limita de proposito al campo del personal computer - que veniva
introducite, forsan de initiativa de Macintosh e postea de Microsoft.
Totevia ab le 1962 a iste annos io haberea un historia de recontar.
Qui ha memoria del prime solutiones que veniva nos proponite pro le
utilisation personal, in le quales le disponibilitate del memoria era al
limite de alcun decenas de Kb?
E pro facer 1 + 1 = 2 nos debeva studiar un linguage de programmation!
Illes qui "sapeva" seligeva le linguage machina! Illes era le expertos!
Postea Apple io crece pro le prime, Microsoft pro secunde, nos aperiva un
mundo nove.
Il pareva que nos poteva simplicemente occupar nos del utilisation del PC e
que nos era liberate del sclavitude del linguages e del programmatores, un
altere belle categoria de personas qui, in general, tendeva a imponer lor
modestissime solutiones e lor presumption.
Le costo economic que suffreva le mundo pro le arrogantia del programmatores
non ha essite ancora calculate.
Obviemente io non intende poner tote le programmatores al mesme nivello,
totevia le major parte de iste personas constitueva un calamitate.

Assi le differente comportamento ha multe justificationes historic e le
politica del nove solutiones justo faceva intuir (intervider) le
possibilitate per le utilisator del PC de esser autonome.

>Linux, un vice que illo ha essite configurate correctemente, functiona
>per annos sin necessitate de intervention. Jammais.

Linux debe haber meritos enorme, totevia practicar Linux non debe significar
"esser in le mar grande", como dicer esser in le solutiones que trova
ubicunque applicationes e, supertoto, correspondentes.
Trova nos un connexion a un banca data de nostre institutiones local e
territorial que sia accessibile per Linux? Trova nos un application al
banking online que sia usabile con Linux? Pote nos connecter nos con nostre
local organisation sanitari per medio de Linux? Pote nos absolver nostre
reportos fiscal per medio de Linux in qualque parte del mundo ubi iste
solutiones deveni un realitate un die postea un altere?
Forsan nos ha necessitate de trovar nos in le "mar grande" ubi le PC que nos
ancora considera devenira un simplice integration con telephono, television
e altere solutiones que nos non pote immaginar ora, sed que es possibile
omne die de plus, quando illos non es impossibile a renunciar, si nos
pretende de viver in nostre societates.

>Omnes sape que isto con Windows non es ver, ma quasi omnes sape
>reinstallar windows quando un problema accide.

Transitorimente io pensa que Windows ha rendite al humanitate un servicio
que non ha precio.

>Infortunatemente, il non ha (o il ha extrememente pauc) botecas de
>assistentia tecnica super Linux, perque pauc personas lo usa; iste es un
>circulo vitiose! :-(
>
>--
>Saluti,
>     Mardy

Vide Mardy, si un assistentia technica per Linux renderea possibile un
organisation economic pro prestar lo, pensa tu que multe valorose
interprenditores non se serea jam organisate pro prestar iste assistentia?
Quando nos non trova assistentia il vole simplicemente dicer que illo non
merita un organisation pro prestar lo.
Forsan le organisation productive es pervenite jam a un organisation de
production per le qual le substitution es le sol solution possibile.
De consequentia nos pote concluder que un qualcunque producto que non trova
iste solutiones es destinate a restar un producto amatorial que non sera
jammais considerate pro le exigentias del societate, illos que es al portata
del normal personas. Totevia iste producto pote haber un grande application
in le prodution industrial introducite in le paises que es in via de
disveloppamento e que pote producer a costos competitive si illos se limita
a applicar solutiones jam confectionate a un nivello de major preparation
technologic.
Isto non porta a conluder que Linux non ha su validitate.
Forsan nos pote considerar que Linux non ha ganiate le "mar grande" pro, nos
non sape qual motivo.

E in iste dies nos recurre al mechanico pro qual solutiones? In le melior
del casos pro facer substituer un apparato elettronic que le mechanico
individua gratias a un altere application electronic que nos non ha. Al fin
le mechanico compli un substitution que, a iste puncto, nos mesme poterea
facer.
Solmente ha nos le convenientia de facer lo?
Ha nos le convenientia de apprender como ben installar Linux?
Forsan in general nos pertine solmente al campo del utilisatores.

Ciao,

Mario


_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp