Le anglese essera un excellente lingua international quando le spicatores
native jam ha comenciate parlar altere dialectos e le _anglese_ es solmente
instruite in le scholas.
Pro le non-anglese jam hodie, le anglese ha le avantage que il ha sempre
personas qui sape le correcte parola. Semantica es nulle grande problema. Le
disavantage es tamen que multo pauc personas habera plen maestria de anglese
si illos non ha vivite in un pais angloparlante o si illes se ha lassate
inundar del cultura de un pais anglophone.
Ego labora in favor de interlingua - o un altere lingua auxiliar - proque ego
pensa que isto - pro me - conserva le multicentrismo in le mundo.
Le utopia es naturalmente que con interlingua como lingua inseniate in le
scholas, nos, le populationes del parve paeses, quales es _multo_ dependentes
del exportation, etiam poterea perlaborar altere mercatos.
E pensa del utopia, quando cata russo, polonese, estonese, svedese con
education scholar, parla interlingua, clarm- e confidentemente, tunc ille
paises habera un tremende avantage, que illos _non_ ha, debente cribrar toto
primo via le anglese.
Ego non vole haber interlingua como le prime lingua, ma como le lingua que on
apprende in le schola, al latere del lingua maternal...
Amicalmente
|