MELONES DE AQUA
Existeva un fermero qui cultivava melones de aqua. Ille succedeva ben,
mais ille era vexate per alcun infantes local qui entrava furtivemente in
su campo de melones de aqua durante le nocte pro mangiar los.
Post pensar bastante ille surge con un idea astute que ille pensa que
espaventara le infantes definitivemente. Ille prepara un placard e lo
installa in le campo. Le die sequente le infantes appare e vide le
placard, que dice: "Aviso, un del melones de aqua de iste campo ha
recipite un injection de cyanuro."
Le infantes curre e prepara lor proprie placard, que illes installa
proxime al placard que le fermero ha facite. Le fermero appare le die
sequente pro inspectionar su campo. Ille constata que necun melon de aqua
manca, mais ille nota un nove placard proxime al sue. Ille se dirige verso
le placard e jecta un reguardo.
Illo dice: "Ora il ha duo."
~~~
Ensjo.
Interlingua-English Dictionary:
http://www.interlingua.com/ied/ied.php