UE: Le Italia Time le Nutrimento Geneticamente Modificate

Reuters

1:15 p.m. le 13 septembre, 2000 PDT

Brussels, Belgica -- Un committee scientific del Union Europee ha
dicite que Italia ha necun base scientific pro prohibir quatro
varietates de maiz geneticamente modificate, le Commission Europee
diceva mercuridi.

Le decision poterea ducer eventualmente le executivo del Union Europee
a requirer Italia a remover le prohibition.

Italia blocava le vendite del quatro productos geneticamente modificate
fabricate per Monsanto (PHA.N), AgrEvo (AVEP.PA) e Novartis AG
(NOVZn.S) in augusto, dicente que il non esseva possibile a garantir
que illos esseva secur pro consumption.

Ben que le productos geneticamente modificate jam habeva recipite
approbation pro vendita per le UE de 15 paises, Italia usava un
procedura de emergentia pro prohibir los in su territorio, un
action que automaticamente duce le committees scientific del UE
a investigar le caso.

In su reporto, adoptate le previe jovedi mais publicate per le
Commission a mercuridi, le Committee Scientific del UE super Le
Nutrimento diceva que Italia non habeva providite evidentia que
le productos geneticamente modificate representa un hasardo al
sanitate public.

"Le committee opina que le information providite per le
authoritates italian non provide un fundamento detaliate e
scientific pro considerar que le uso del nove nutrimentos
in question impericula le sanitate human," diceva le
committee in su reporto.

Le caso ora va esser discutite per le committee permanente
del UE super Nutrimento, que se reuni de novo le 18 e 19 de
octobre.

---

Traducite per Stan Mulaik