Le nova de Stan Mulaik super un futur Societate American pro Interlingua nos place multo ci in "le
frigide nord" (Danmark). Le americanos es e ha sempre essite importante pro interlingua. Le
existentia de un organisation national pro interlingua in le SUA - preferibilemente como un sorta de
organisation nordamerican coperiente, al minus in le initio, anque Canada e Mexico - es multo
benvenite.

Un organisation national pote plus facilemente assemblar le interessatos. Pro nove interessatos il
es plus facile pagar su membrato, abonamento(s), ordine(s) de libros etc., si on pote facer lo intra
su proprie pais. Nove interessatos anque sentira nulle timor de contactar un organisation, quando on
pote facer lo in su proprie lingua; scriber a un altere pais sempre es complicate. E quando on uni
le bon fortias in un organisation, on pote editar un circular/magazin/bulletin e assi assecurar que
omne le bon ideas que le singule membro ha, pote esser colligite e - forsan - realisate.

Pro nos europeos, un organisation (nord)american pro interlingua in ultra es un importante signal.
Quando nos parla o scribe publicamente super interlingua, il es importante poter referer a
organisationes national pro interlingua anque in (grande) paises anglophone. A vices, le gente
sembla creder que anglese es le sol lingua de communication international.

Dunque bon fortuna a omne vos (nord)americanos! Nos europeos es sempre preste con consilios, si vos
los desira.

Con mi optime salutes
Thomas Breinstrup