Car Ramiro e altere amicos,
Le Interlng esseva formate pro le practica
del belle lingua international. Omne persona
que vole junger se al lista ha le derecto de
leger hic le Interlingua secun le stipulationes
e regulas presentate in le Grammatica de Gode/
Blair e le IED. In plus de isto, nos ha le
bon exemplo del revista Panorama pro le stylo
moderne e pro le avantiamento de terminos nove
in le campos del technologia etc.

Assi que per favor, pro le adjuta del nove
commenciantes, lassa Interlng esser un sito
ubi on trova bon exemplos del uso de Interlingua.
Per favor non miscer preferentias grammatical
personal como le conjugationes del verbos e
le inflexiones del substantivos con lor
adjectivos, iste cosas son un distractamento
del simplicitate que on trova in le belle
lingua international, Interlingua de IALA.

In plus... il ha altere listas ubi on pote
discuter iste additiones al lingua de IALA.
Il ha in yahoogroups un lista pro le ILR, o
como ha essite nominate le "interlingua
romance unificata" ;-)

Iste foro, le lista Interlng, non es pro
le discussion de celle experimentos ma pro
un exercitio de un projecto jam bastante
finite pro esser usabile per un multitude
de personas de varie paises pro lor
communication active.

Io spera, e plus que spera, io sape que
vos pote vider le avantage de haber un
sito ubi nove interessatos pote venir e
experientiar le uso active de Interlingua,
un sito ubi il non ha le distractiones
de redactionismos o ameliorationes al
gusto personal de altere membros del
lista.

Assi pois le discussion deberea esser
un puncto morte, nos debe respectar le
fundamentos pro le uso del Interlng e
laborar pro trovar alcun cosas de interesse
pro communicar inter nos, in bon interlingua.
:-) E con isto io poterea adder que le
anno scholar es quasi terminate e tosto
io habera plus tempore a dedicar al
belle lingua international.

Con reguardos amical a tote le amicos
interlinguan,

Jay B.




De Castro ad [log in to unmask] ha scripte in 2001/06/27 7:45 AM:

> Car omnes;
>
> Existe un interlingua standard - illo es le padron jam usate durante multe
> annos per A. Gode, R Berger, A. Schild e altere. In ultra, le interlingua
> padron que on pote vider e leger in le bon litteratura.
> ...