Si Ingvar lege vostre message, Michael, io spera que ille va contar
su experientia in inseniar interlingua in scholas secundari de Svedia.
Interlingua esserea un excellente medio pro inseniar studentes american
le vocabulario international e principalmente neolatin in le forma de
un facile e simple lingua. Illes va obtenir le base pro un comprehension
de radices neolatin in parolas anglese. Equalmente illes va obtenir un
cognoscimento de un vocabulario e mesmo alcun grammatica de un lingua
romance, facente possible le comprehension de textos romance. Nos
exige inseniantes qui pote invisionar le possibilitates pro interlingua
in le familiarization de juvene studentes con le vocabulario international
commun a lor linguas e aquello de alteros.
Stan Mulaik