Heri io audiva un programma interessante via nostre radio national. Il es
un programmation serial que se appella _Le lingua_ in le qual on tracta
varie themas linguistic, naturalmente ante toto in relation con le svedese,
questiones de correctessa lingual etc. Il certo ha tal cosas etiam in
vostre paises.

Inter alteres il era un reporto del stato del linguas in Islandia. Antea in
le scholas on studiava danese qua le prime lingua estranier e anglese com
le secunde lingua extranier. Si on parlava le svedese on non debeva studiar
le danese sed poteva studiar solo le anglese.

Mi commentario: Multe islandeses ha studiate - e forsan studia - in Svedia.
In Uppsala il ha un multo vivace colonia de studentes islandeses qui
naturalmente cultivava su proprie cultura. Viste que illes parla un lingua
scandinave, le islandese, illes non ha problemas apprender ben le svedese.
Parlante con islandeses io sovente pensa que illes veni del insula Gotland
(in le medie del Mar Baltic).

Nunc in le programma on interviuava un juvene islandese qui parlava multo
difficilmente le danese. Ille habeva studiate isto al schola, sed multo sin
entusiasmo. Ille habeva preferite studiar le anglese, lo que ille parlava
multo melio.

Si io non es mal informate, le population de Islandia es circa 200 000 e on
ha probate resister le influentia anglese e al mesme tempore probate
supportar le contactos con le altere paises nordic. Secundo le programma il
ha un gruppo redactional de juvenes qui publica un jornal in danese con
sopporto financiari del Consilio Nordic....

Multe islandeses etiam studia in le Statos Unite. In le programma le
reportero diceva que quasi omne islandeses prefereva parlar anglese a illa
e non scandinavo.

Secundo mi experientia multe islandeses que io ha incontrate parla un
specie de interlingua scandinave. Illes adjusta le danese que illes
apprendeva al schola a mi svedese e le resultato es un specie de
interlingua scandinave, que on multo facilmente comprende e que non del
toto sembla estranie, viste que il ha dialectos del svedese que se differe
multo plus fortemente del svedese standard quam lor dialectos.

Io ha incontrate multe finnos qui parla melior le anglese que svedese,
malgrado le facto que le svedese - al minus antea - era obligatori in le
scholas. Io sempre pensa de isto quando on parla del introduction de
interlingua in le schola como lingua obligatori. Toto depende del
cognoscentia e motivation de instructores e alumnos.

Il habera causa retornar al problema.









[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden