[ de Stan ]
Jerry Falwell pare annunciar aqueste ideas ridicule pro mantener le
attention del media.  Recentemente ille diceva que le anti-Christo jam
existe e es un judeo. Quando on le accusava del antisemitismo, ille diceva
que ille ama le judeos e ha appoio forte pro Israel.  Ille solmente
indicava, ille diceva, que secundo le Biblia, le anti-Christo
debe esser un judeo.

[ Pfaff ]
Io legeva in le jornale super iste explication de Falwell que le
anti-Christo debe esser un judeo.  In le ultime annos io ha incontrate
plure altere theorias.  Le anti-Christo debe esser un europeo. Le
anti-Christo debe esser un italiano.  Le anti-Christo debe esser un romano.
Le anti-Christo debe esser un arabo o al minus un muslim.  Le anti-Christo
es le papa.  Il ha actualmente hic in le SUA un serie de romans multo
popular super le "apocalypso" (i.e. tempore de mal e suffrentia mundial,
regno del anti-Christo, retorno del ver Messia, julgamento final del
mundo).  Le persona del anti-Christo in iste caso es un romaniano!  Durante
mi viage a Israel io sedeva un matino a jentaculo in un hotel in Jerusalem
con un copula korean (americanos de origine korean) qui participava in le
mesme tour con me. Illes publica un parve jornal pro distribution al
ecclesias korean evangelic ubique in le mundo. Viste que Jerusalem es un
loco optimal pro discussiones super le fin del mundo, durante nostre
conversation, le homine me confiava que le anti-Christo debe esser un
catholico.

Lo que io nunquam audiva era un explication del identitate del anti-Christo
ubi le explicator lo identificava con su proprie gruppo.   Ergo io dubita
multo que le anti-Christo parlara interlingua......  :-))

-- frank