On Thu, 22 Mar 2001 18:11:27 +0100, Luca Ghitti <[log in to unmask]>
wrote:
>> Proximitate genetic de italianos con le turcos secundo
>> mesuration de distantias X^2 per frequentias allele
>> ------------------------------------------------------
>>
>> Referente a KivA-13H
>>
>> Turchia
>> 1. Italia 13.66
>> 2. Bulgaria 14.98
>> 3. Romania 15.55
>> 4. Grecia 15.85
>> 5. Espania 16.16
>> 6. Austria 16.87
>> 7. Hungaria 17.57
>> 8. Francia 17.64
>> 9. Helvetia 18.08
>> 10. Germania 18.34
>>
>> Qual explica le alte relative proximitate genetic
>> inter le italianos e turcos? (Ver, 13.66 non significa
>> MULTO alte proximitate).
>> Le resultato forsan non es tal mystic. Il ha essite un
>> alte friction inter le italianos e turcos durante
>> seculos (In Dalmatia, le Peloponnesos, Creta e altere
>> insulas), Mar Nigre, le continuante guerras naval e
>> actiones piratic con grande influxos de servos in ambe
>> direction, alicun invasiones de turcos a Italia, le
>> colonias mercantil de Venezia e Genova in Istanbul
>> etc.
Non oblidar que le populationes hodierne de Turchia non son toto descendite
del invasores turc ex Asia Central. Le populos existente de Anatolia non
era annihilate o expellite. (Io non parla ci del vintesime seculo -
massacres anti-armenian, expulsiones anti-grec - ma del seculos previe).
Multe descendentes del Cappadocianos, Bithynianos, Lydianos, etc. del mundo
antique se assimilava al cultura turc, convertente se al Islam e adoptante
le lingua turc. Dunque le populationes italian e turc son affin, proque
Italia e Anatolio era unite durante alcun seculos in le imperios roman e
byzantin.
Le nove recercas del genetica demographic in Europa son altemente
interessante. On pote creder, legente le historias plus vetere, que le
historia de Europa (pre-medieval, al minus) era toto dominate per grande
migrationes de populos, illo es, que le populationes local era sempre de
nove reimplaciate, expellite, annihilate. Ma ora on lege que, per exemplo,
que le habitantes hodierne del Salisbury Plain in Anglaterra (non distante
de Stonehenge) son, geneticamente, multo proxime al habitantes del mesme
localitate in le epocha pre-roman. E qui son le plus proxime parentes
actual de Oetzi, le famose viro glacial? Le habitantes del valle local! In
major parte, il pare, le grande invasiones ha cambiate lingua, politica, e
cultura, ma - quanto al base genetic del population - era pauc plus que le
sufflata del vento supra le herba.
Amicalmente,
Chris
|
