In le proxime menses il functionara in le provincia de
Buenos Aires, le prime planta a grande scala pro production
de biodiesel in Argentina. Le factoria potera producer
40.000 toneladas annual de iste combustibile extraordinari.
    Le biodiesel es un combustibile derivate del oleos
vegetal que pote substituer con vantages al oleo diesel
ordinari. Benque illo es cognite desde le annos '40, in le
ultime tempores illo ha prendite grande impulso bassate in
le concientia ecologic e anque in le elevation del precio
del petroleo.
    Le biodiesel es un combustibile artificial ma de origine
natural. Quasi cualque oleo vegetal pote esser transformate
in combustibile pro usar in vehiculos automotores. Del facto
de esser un elemento bassate in le oleos vegetal, on deriva
le avantage de illo esser biodegradabile. Si on versa
biodiesel accidentalmente in le terra le microorganismos on
lo mangiara! isto significa que le oleo se putrificara.
Dunque illo no es contaminante como le combustibiles fosil
traditional. Anque iste maravilia ha altere vantages. Le
biodiesel non ha sulfure in su composition, tunc su
combustion non produce SO2 que isto es le major responsabile
del pluvia acide. Ancora plus, iste combustibile pote esser
usate in cualque vehiculo diesel sin modificar le mechanica
del motor.

Altere vantages

    Viste que Argentina es le prime productor mundial de
oleo vegetal de tornasol e anque de semine de soja e que
isto genera un grande resto exportabile, ille excedente pote
essser usate pro producer le combustibile ecologic.
    Como Argentina non subsidia le precio del production de
granos oleaginose, iste nove derivato del oleo vegetal pote
servir como precio susten del production agricola. Pro
evitar le cadita del precios del granos oleose per exceso de
production un importante portion del resto poterea esser
transformate in combustibile pro uso in le campo. Iste facto
prende fundamental importantia proque quasi un 60% del
consumo de oleo diesel del pais es realizate per machinas
pro labor agricola. Anque le consumo de oleo diesel es le
plus importante gasto monetari del production del campo. Le
litro de oleo diesel normal ha in Argentina un costo de 55
centesimos de dolar, le costo del biodiesel sera
aproximativemente de 32 centesimos de dolar, de maniera que
le economia serea multo importante.
    Pro favorar le uso de iste biodiesel le combustibile
potera anque esser pagate in specie: cata productor agricole
cedera 2,5 kilos de semine de tornasol e recipera in cambio
un litro de biodiesel. Iste sistema ingeniose evitara le
pagamento de impostos que augmentarea le precio final del
producto.

Horacio Martinez