d[000206] x[Allan Kiviaho] KivA-026b
s[Anglese como lingua franca? No!]
[log in to unmask]
Courier 10 (fonte fixate) necesse est!
Un interlinguista distinguite ha scripte (000202):
-----------------------------------------------------
Io opina que il non es necesse de attaccar le anglese
como lingua auxiliar international. Ubicunque va le
anglese, illo porta le interlingua con illo.
========================================
"Anglese porta le interlingua con illo?"
========================================
Allan Kiviaho 000206:
Io non so de accordo del toto! Anglese es un lingua
multissimo hegemonistic e aggressive como anque le
politica mercantil del Statos Unite.
Ubicunque va le anglese, illo porta le ANGLESE con
illo, nunquam Interlingua. Proque esserea le stato-
uniteses (e regnouniteses) interessate super
divulgation de interlingua? "English is the best
language in the world and the best choice for all
the peoples ...!" Le cognoscentia e interesse de
linguas estranier es micre inter le statouniteses e
regnouniteses si comparate con le nationes europee
continental.
Io pensa que tote le Europa continental deberea
resolutemente resister le hegemonia de anglese e
relegar lo a un position proprie, como un lingua
national inter le altere linguas national.
Nos debe anque resister in Europa le tyrannia del
trippelalliantia non-sacre de linguas hegemonistic
grandfraternal, FRANCESE-GERMANO-ANGLESE.
- - - - - - - - - - - - - - - - - - - - - -
Le salvation del culturas europee es:
INTERLINGUA como lingua practic commun e un
equalitate total inter le linguas national!
- - - - - - - - - - - - - - - - - - - - - -
Mi opinion personal:
Naturalmente tote le Europa poterea adaptar anglese
como su lingua materne.
Sed isto esserea FINIS EUROPAE in senso cultural. Io
(como le ex-presidente de Finlandia Mauno Koivisto)
adhere a iste philosophos que mantene que
"Le cultura de un nation
vive e mori con su lingua."
Anglese es un lingua improprie pro le europeos conti-
nental. Su pronunciation es multo peculiar. Le vetere
interlinguistas memora le reaction de Frank Pfaff
quando ille arrivava al conferentia de UMI in Strass-
bourg 1997: Senior FFFF comprendeva nihil! Sed como un
persona intelligente ille tosto apprendeva le pronun-
ciation roman.
Un passatempore popular de professores de facultates
classic in universitates europee es imitar pro le
juvene studentes como le statouniteses pronuncia
latino in conferentias international de latinistas.
Ben, anque le franceses non son grande expertes in
pronunciation del latino e a pronunciar anglese es
quasi impossibile pro le finnos.
Si anglese esserea le lingua franca in Europa on
deberea inventar special nomines anglese a personas e
locos. P.ex. un cognite communitate in Lapponia
finlandese "Ivalo" deberea esser scripte como
"Eevaloh", alteremente illo esserea pronunciate como
"Aivalou".
Le pronunciation de anglese es exter reformas, illo
es multo nimis turbide.
-----------------------------------------------------
Le disastro del systema de vocales - "The great vowel
shift" e le diphtongisation
-----------------------------------------------------
Ecce un specimen de si-nominate "systema" de vocales
in le anglese.
Littera (Nomine Scriptura Pronunciation anglese
in anglese) anglese (approximate)
--------------- ------------- ----------------------------
a (ei) can't, fast kaant, faast
make meik
boAst boust
that thät
e (ii) met, threat met, thret
lead, lead led (material), liid (verbo)
steak steik
seat, meet siit, miit
womEn wimIn
knew nyuu
new nyuu
i (ai) kind kaind
field fiild
seize, siege siiz, siidzh
first fööst
o (ou) second sec'nd (o disparite)
other athö(r)
bother bood(ö)
tough taf
dough dou
come kam
home houm
wOmen wImin
though thou
know nou
loose luus (e disparite)
lose luuz "
world wööld
u (yu) but bat
shut shat
flush flash
push push
put put
Cuba kyuba
Actualmente anglese se ha degenerate retro al systema
de hieroglyphos quando le transcription phonetic era
developpate per le culturas del Oriente proxime ante
milles de annos. In anglese on non pote dicer le
valores phonetic de litteras ante on vide tote le
parola e mesmo tunc on debe saper le pronunciatioin
correcte in avantia.
============================================
Il vermente es necesse a attaccar le anglese
in Europa continental
============================================
Le forte machineria mercantil de statouniteses rola le
plus banal elementos del cultura statounitese a
Europa. Specialmente le juveniles son perceptibile a
junk food, junk music, junk cinema e junk manners
("bullshit" e "fuck you" son inter le plus popular
modos de parlar de juvenile finlandese minus educate).
"O tempora o mores!". Al minus un contra-attacco del
cinema europee ha attingite alicun victorias sub
direction de Francia ("Hasta le infantes de Europa,
le die de gloria ha arrivate! Contra le tyrannia de
anglese nostre standardo es levate!").
x x x x x x
Hm, il es un pauc delicate de attaccar anglese quando
nos sape qual rolo importante le Statos Unite ha
jocate in le developpamento de Interlingua.
Interlingua ha mesmo nascite in le SUA.
Mi filia insenia anglese in le "PoMo" (Porvoon Matkai-
luopisto - Le schola de Tourismo de Porvoo - "pomo" es
boss in finnese) e su fidantiato insenia anglese al
Fortias de Defensa de Finlandia, i.a. al Schola de
Cadettos e le Collegio Militar). Etiam nostre filio
possede anglese multo ben e su quasimarita ha
travaliate quasi un anno al gigantesc aeroporto
Heathrow in London e un altere (quasi) anno al "Study
Tours", etiam in London.
Post le victoria final de Interlingua in Europa
anglese remane un lingua importante como medio del
communication inter Europa e altere continentes. Si
Interlingua conquire le America romanic (Omne grande
linguas in le Americas son le linguas del controlo de
Interlingua!) alicun die, forsan mesmo le
statouniteses son fortiate a apprender Interlingua ...
Salutante
Allan
|